Shtëpia më e madhe e futbollit në Evropë, UEFA e ka dënuar Malin e Zi për thirrjet raciste të tifozëve të tyre.
Tifozët malazez kanë bërë thirrje raciste në ndeshjen ndaj Anglisë më 25 mars të këtij viti në fitoren e anglezëve 1:5.
Komisioni disiplinor i UEFA-s e ka dënuar me 20 mijë euro gjobë Federatën e Futbollit të Malit të zi si dhe një ndeshje pa shikues.
Kësisoj Mali i Zi ndeshjen e ardhshme do ta luaj ndaj Kosovës më 7 qershor me dyer të mbyllura.
Ky dënim i kundërshtarëve të Grupit A është i mirëseardhur për Kosovën, pasi vendasit nuk do ta kenë përkrahjen e tifozëve.
“Për arsyeje të thirrjeve raciste të një numri të vogël të tifozëve të pa arsyeshëm, ekipi jonë Kombëtar do ta luaj ndeshjen e radhës ndaj Kosovës pa praninë e tifozëve në stadiumin e qytetit në Podgoricë”, thuhet në njoftimin e Federatës së futbollit të Malit të Zi.
Kujtojmë që sulmuesi i Anglisë, Raheem Sterling kishte kërkuar që Mali i Zi të dënohej me minus nëntë pikë.
Sterling pas thirrjeve raciste në Podgoricë kishte thënë se pret që të ketë thirrje raciste në vendet e Ballkanit, pasi më parë një gjë e tillë kishte ndodhur edhe në Serbi.
Kosova do të përballet dy herë me Anglinë, ku në nëntor Dardanët presin Tre Luanët në Prishtinë dhe është momenti më i mirë për t’iu treguar super yjeve anglez se shqiptarët nuk janë si sllavët dhe nuk janë racistë. /Telegrafi/