Zyrtare: Trajneri dhe dy lojtarët nuk do të jenë të pranishëm në ndeshjen që Mali i Zi e luan kundër Kosovës

Zëdhënësi i federatës së Malit të Zi, Branko Latinovic, e ka pranuar që në ndeshje ndaj Kosovës, nuk do të jetë në bankë trajneri Ljubisa Tumbakovic.

Trajneri dhe lojtarët e lindur në Serbi, kanë qenë nën presion të madh të Beogradit dhe duket se politika ka fituar ndaj futbollit, kështu që Tumbakovic nuk do të jetë trajner i Malit të Zi në takimin në Podgoricë.

Njëherësh, për arsye jofutbollistike dhe kundër vullnetit të tyre pritet të mungojnë edhe lojtarët Filip Stojkovic dhe Mirko Ivanic.

Në bankë nuk do të jetë as asistenti i parë i Tumbakovicit, Sasa Jankovic, ndërsa ekipin do ta drejtojnë Miodrag Dzudovic dhe Dragoje Lekovic.

Lexo po ashtu Mediat malazeze: Pas presionit të Beogradit, trajneri Tumbakovic refuzon ta drejtojë Malin e Zi ndaj Kosovës - nuk luajnë as futbollistët e lindur në Serbi

Ndeshja fillon në ora 20:45, ndërsa nga minuta e parë për Malin e Zi do të luajë Fatos Beqiraj /Telegrafi/