Juventusi dhe Tottenhami kanë arritur marrëveshje për transferimin e përhershëm të Dejan Kulusevskit për 30 milionë euro që do të paguhen në gjashtë vite.
Ish-anësori i Atalantas iu bashkua Tottenham me një marrëveshje fillestare huazimi në janar 2022.
“Juventus Football Club SpA njofton se Tottenham Hotspur FC ka ushtruar të drejtat e opsionit për blerjen përfundimtare të të drejtave të regjistrimit të lojtarit Dejan Kulusevski për një shumë prej 30 milionë euro, që do të paguhet në gjashtë vite financiare”.
Dejan Kulusevski joins @SpursOfficial in permanent deal.
Good luck, Dejan!
— JuventusFC 🇬🇧🇺🇸 (@juventusfcen) June 17, 2023
“Ky operacion gjeneron një efekt ekonomik pozitiv prej rreth 12.8 milionë euro”, thuhet në komunikatën zyrtare.
Tottenham kishte paguar tashmë 10 milionë euro për huazimin e lojtarit.
Tottenham kishte një opsion për të nënshkruar Kulusevski përgjithmonë për 35 milionë euro, por arriti të negociojë për të ulur çmimin, pasi suedezi nuk ishte në planet e Massimiliano Allegrit.
Estamos felizes em anunciar a contratação permanente de Dejan Kulusevski. ✍️ pic.twitter.com/7DgpCJ7xdX
— Tottenham Hotspur (@Spurs_PT) June 17, 2023
Kulusevski shënoi nëntë gola në 74 paraqitje me Zonjën e Vjetër. 23-vjeçari luajti edhe për Parmën dhe Atalantën në Serie A, duke shënuar 15 gola në 94 ndeshje.
23-vjeçari ka shtatë gola në 57 ndeshje në Tottenham. Ai tani ka nënshkruar kontratë deri në qershor 2028. /Telegrafi/