Portieri i Kosovës, Samir Ujkani, nuk do të largohet nga Torino në këtë afat kalimtar.
Bashkëpunimi ndërmjet klubit italian dhe 32-vjeçarit do të vazhdojë së paku edhe për një vit.
Përmes një njoftimi zyrtar, Torino ka bërë të ditur se futbollisti shqiptar do të jetë pjesë e kësaj skuadre deri më 30 qershor 2021.
“Klubi futbollistik Torino me kënaqësi njofton se ia kemi rinovuar kontratën për performanca sportive futbollistit Samir Ujkani deri më 30 qershor 2021”, thuhet në njoftimin e klubit.
Ish-portieri i Palermos dhe Genoas kishte arritur te klubi aktual në verën e kaluar nga Rizespori. /Telegrafi/
Ujkani, rinnovo fino al 2021 | TORINO FC 1906 SITO UFFICIALE https://t.co/vvSd73kZ5H #SFT
— Torino Football Club (@TorinoFC_1906) August 18, 2020