Zyrtare: Ryan Babel transferohet në Fulham

Skuadra e Fulhamit ka marrë një përforcim të madh për vazhdimin e sezonit të Ligës Premier.

Ata kanë angazhuar Ryan Babelin, i cili vjen nga Besiktas për dy milionë euro dhe do të jetë një ndihmë e madhe për trajnerin Claudio Ranierin.

Holandezi është kthyer në futbollin anglez pasi kishte veshur në sezonet 2007/11 fanellën e Liverpoolit.

Sulmuesi në këtë formë është blerja e parë e trajnerit italianit, i cili po mundohet t’i siguroj një vend edhe për vitin e ardhshëm në ligën elitare angleze.

Futbollisti 32-vjeçar është i kënaqur që do të jetë pjesë e ekipit londinez “Craven Cottage”, e cila zë pozitën e parafundit në tabelë.

Lexo po ashtu Të gjitha lajmet rreth transferimeve

“Përfundimisht besoj se Fulham mund të qëndrojë në ligë. Kjo është një nga arsyet pse jam këtu, unë do të përpiqem ta ndihmoj këtë të ndodhë”, tha gjatë prezantimit Babel.

Ndryshe, lojtari gjatë karrierës ka luajtur edhe gjithashtu për Deportivo la Coruna, Al Ain, Kasimpasa, Ajax dhe Hoffenheim. /Telegrafi/