Milani ka konfirmuar me anë të faqes zyrtare se është kompletuar shitja e klubit nga Elliott Managment tek RedBird Capital.
Muajve të fundit ka pasur shumë zëra për shitjen e Milanit dhe tashmë kjo gjë është konfirmuar.
Kompania amerikane RedBird Capital ka blerë tashmë klubin italian nga Elliott Managment për një shifër të raportuar prej 1.2 miliardë eurosh.
Ky njoftim ka ardhur me anë të faqeve zyrtare të kampionëve të Serie A.
“RedBird Capital Partners dhe Elliott Advisors UK Limited njoftuan sot se kanë hyrë në një marrëveshje përfundimtare që RedBird të blejë AC Milanin, kampionët e sapo kurorëzuar të Serie A. Kalimi në pronësi të re do të ndodhë gjatë verës, me një mbyllje të pritshme jo më vonë se shtatori 2022”.
“Marrëveshja, e cila vlerëson klubin në 1.2 miliardë euro, do të bëjë që Elliott të mbajë një interes financiar të pakicës në klub dhe vende në bordin e drejtorëve, duke forcuar një partneritet midis RedBird dhe Elliott që vazhdon përparimin e bërë nën drejtimin e Elliott gjatë katër viteve të fundit”.
RedBird Capital Partners enters into agreement with Elliott Advisors to acquire AC Milan ➡️ https://t.co/W1YQr6GIxG
RedBird Capital Partners sottoscrive un accordo con Elliott Advisors per l’acquisizione di AC Milan ➡️ https://t.co/MB0JQRMKWy
#SempreMilan pic.twitter.com/Ri055vyggh— AC Milan (@acmilan) June 1, 2022
“Prioriteti i RedBird është të punojë me ekipin fitues të titullit sportiv dhe menaxhues të klubit për të vazhduar udhëtimin e Milanit drejt majës së futbollit botëror”.
“Një kombinim i një ekipi të suksesshëm në fushë, ekspertiza e zhvillimit dhe blerjes së lojtarëve të Milanit, një operacion komercial i klasit botëror dhe përvoja e RedBird në operimin dhe ndërtimin e bizneseve sportive globale, do të sigurojë që kapitulli tjetër në historinë e historisë së Milanit do t’i çojë kuqezinjtë në lartësi edhe më të mëdha”, thuhet në njoftim. /Telegrafi/