Prishtina ka konfirmuar zyrtarisht afrimin e Junior-Paul Ngatta.
Mesfushori nga Bregu i Fildishtë ka nënshkruar me klubin nga kryeqyteti, duke u ofruar atyre më shumë opsione në skuadër.
Këtë transferim, Prishtina e konfirmoi përmes një postimi, duke thënë se 21-vjeçari është zyrtarisht lojtari më i tyre.
“Mesfushori i lindur më Bregun e Fildishtë, Junior-Paul Ngatta ka lindur më 25 janar 2003 dhe është futbollisti i radhës që i bashkohet zyrtarisht skuadrës sonë”, thuhet në postimin e klubit prishtinas.
Në anën tjetër, Ngatta ka thënë se qëllimi i tij është që t’i tregojë cilësitë që posedon.
“Më pëlqen ambienti dhe më pëlqen klubi. Ekipi ka futbollistë të mirë në përbërje dhe klubi ka ambicie të larta. Qëllimi im është të tregoj cilësitë që të arrijë nivelet sa më të larta të futbollit”, ka deklaruar afrikani. /Telegrafi/
