Hertha Berlin e ka zyrtarizuar sulmuesin e njohur polak, Krzysztof Piatek që vjen nga AC Milan.
Sulmuesi 24-vjeçar do të bashkohet menjëherë me klubin gjerman dhe do të jetë gati për ndeshjen e radhës.
“Krzysztof është një sulmues tepër i rrezikshëm i cili tashmë ka treguar cilësinë dhe syrin e tij për gol në nivelin më të lartë në Serie A me AC Milan, si dhe me skuadrën e tij kombëtare. Sulmi ynë menjëherë do të përmirësohet në cilësi me këtë nënshkrim”, ka thënë drejtori sportiv, Michael Preetz.
🎵… But Piatek
He saw the light
He got the call from Michael Preetz
And off he went to Hertha BSC! 🎵#hahohe pic.twitter.com/rGiJLnWEaH— Hertha Berlin (@HerthaBSC_EN) January 30, 2020
Edhe polaku u shfaq i lumtur me transferimin e tij në kryeqytetin gjerman.
“Jam shumë i lumtur që u bë ky transferim. Mënyra se si po kalon ky klub më ka bindur vërtet se kjo ishte lëvizja e duhur për mua dhe jam shumë i entuziazmuar të luaj me shokët e mi të ri të skuadrës”.
Piaktek ka luajtur më parë për klube polake si Lechia Dzierzonioë, Zaglebie Lubin (85 ndeshje / 18 gola) dhe KS Cracovia (65/32).
Ai ka bërë karrierë edhe me Genoan dhe Milanin në Serie A. /Telegrafi/