Ndeshja në mes të kombëtares së Shqipërisë dhe Maqedonisë nuk do të vazhdoj sonte.
Takimi i ndërprerë në minutën 77-të pas reshjeve të mëdha të shiut nuk pritet të filloj gjatë ditës së sotme.
Sipas raporteve të fundit që kanë ardhur nga Federata Shqiptare e Futbollit, takimi nuk mund të zhvillohet sonte shkaku i kushteve të rënduara.
Data e mundshme për vazhdimin e takimit kualifikues pritet të jetë nesër(martë).
Ndeshja u ndërprerë sa ishte rezultati 1:1, ku golin për kombëtaren shqiptare e shënoi Armando Sadiku në minutën e nëntë, teksa për Maqedoninë, Egzijan Alioski në minutën e 51-të. /Telegrafi/