Zyrtare: Napoli nënshkruan me Lozanon, bëhet transferimi më i shtrenjtë në histori të klubit italian

Hirving Lozano ka firmosur zyrtarisht një kontratë pesë-vjeçare me Napolin, duke u bërë nënshkrimi i tyre më i shtrenjtë prej 40 milionë eurosh.

Reprezentuesi meksikan fluturoi të martën në mbrëmje dhe iu nënshtrua testeve mjekësore të mërkurën në klinikën Villa Stuart në Romë.

Ai vendos një rekord të ri të klubit në të gjitha kohërat, me një kosto të raportuar prej 38 milionë euro plus bonuse.

Lexo po ashtu Babai i Lozanos: Jemi të entuziazmuar që djali do të luajë në ekipin që luajti Maradona

Lozano kishte qenë në radarin e tyre që nga janari, me negociatat duke u zvarritur gjatë gjithë verës, por më në fund u zgjidhën pasi PSV u eliminua nga raundet paraprake të Ligës së Kampionëve.

24-vjeçari shënoi 40 gola në 79 ndeshje për PSV, duke fituar titullin në Eredivisie në 2017-18. /Telegrafi/