Milani ka bërë të ditur se kanë kompletuar zyrtarisht transferimin e Youssouf Fofanas nga Monaco.
Mesfushori ka nënshkruar kontratë deri në vitin 2028 me Rossonerët.
“AC Milan ka kënaqësinë të njoftojë nënshkrimin e transferimit të përhershëm të Youssouf Fofana nga AS Monaco. Mesfushori ka nënshkruar kontratë me kuqezinjtë deri më 30 qershor 2028”, thuhet në njoftimin e tyre.
🚨 BREAKING! BREAKING! 🚨
There’s a new addition to the Rossoneri 🆕#DNACMilan #SempreMilan— AC Milan (@acmilan) August 17, 2024
“I lindur në Paris (Francë) më 10 janar 1999, Youssouf kaloi përmes sistemit francez të të rinjve përpara se të bënte debutimin e tij profesional për Strasburgun ku bëri 41 paraqitje, shënoi katër gola dhe fitoi Kupën e Ligës”.
“Në janar 2020, ai u transferua në Monaco, ku bëri 175 paraqitje, duke shënuar shtatë gola me pesëmbëdhjetë asistime”.
“Fofana ka zgjedhur fanellën me numër 29 për kuqezinjtë”, bëhet e ditur më tej në komunikatën e Milanit. /Telegrafi/