Zyrtare: Mascherano transferohet te Estudiantes

Javier Msacherano edhe zyrtarisht është transferuar te Estudiantes de La Plata.

Mesfushori që ishte konvertuar në mbrojtës në kohën sa ishte te Barcelona, më në fund e ka kompletuar rikthimin në Argjentinë.

Mascherano është transferuar te Estudiantes, një klub që është shumë i njohur në Argjentinë dhe që ka fituar shumë trofe.

Argjentinasi ka thënë se është shumë i lumtur që ka kaluar te skuadra nga vendlindja e tij, derisa ka falënderuar edhe tifozët për pritjen.

“Është një ëndërr e realizuar. Gjithmonë kam dashur që në fund të karrierës time të vije dhe të luaj këtu futboll”, ka thënë ai.

“Faleminderit shumë tifozëve për këtë pritje të ngrohtë, shihemi së shpejti”, ka shkruar më tej Mascherano. /Telegrafi/