FC Bayern Munich ka njoftuar se austriaku Marcel Sabitzer, ka nënshkruar me kampionët.
27-vjeçari vjen nga RB Leipzig, ku më parë kishte punuar me trajner Julian Nagelsmann, që aktualisht drejton Bayernin, Sabitzer ka nënshkruar një kontratë deri në vitin 2025.
“Jam shumë i lumtur që do të luaj për FC Bayern. Edhe kur isha fëmijë, isha shumë krenar për fanellën time të Bayernit dhe merrja e një të re çdo Krishtlindje”.
“Unë do të jap gjithçka për këtë klub dhe dua të fitoj sa më shumë ndeshje dhe sigurisht të fitoj shumë tituj”, deklaroi ai.
Sabitzer filloi karrierën profesionale në FC Admira Wacker Mödling, ku pastaj kaloi te Rapid Vienna para se të shkojë në Gjermani.
An Guadn! 🥨🍴🍺 #ServusMarcel pic.twitter.com/QJhMGxjgBc
— FC Bayern München (@FCBayern) August 30, 2021
Deri më tani ai ka luajtur 145 herë në Bundesliga dhe ka shënuar 32 gola. Lojtari sulmues do të luajë për kampionët me fanellën numër 18. /Telegrafi/