Llapi ka njoftuar se ka arritur marrëveshje me Muhamed Useinin që të luajë në ngjyrat e tyre nga sezoni i ri.
Klubi nga Podujeva e transferoi mbrojtësin pasi që u largua nga Prishtina.
Më poshtë mund të lexoni njoftimin e plotë (pa ndërhyrje) të Llapit:
Komunikatë Zyrtare: Muhamed Useini
Klubi Futbollistik Llapi njofton opinionin se ka arritur marrëveshje bashkëpunimi me mbrojtësin e qendrës, Muhamed Useini.
Useini vjen në klubin tonë pas eksperiencës dy-vjeçare me FC Prishtina, me të cilët u paraqit në 72 ndeshje zyrtare dhe arriti t’i realizoj 3 gola.
Futbollisti tetovar është prezantuar sot në ambientet e klubit nga Drejtori Sportiv, Mentor Zhdrella, i cili i ka dëshiruar mirësardhje në mesin tonë, duke i uruar edhe suksese të mëtutjeshme.
Useini ka nënshkruar kontratë një vjeçare me opsion rinovimi edhe për një vit tjetër dhe menjëherë është bashkuar me grupin në përgatitjet e garave evropiane.
Mirë se vjen dhe paq suksese me fanellën bardhekaltër, Meti. /Telegrafi/
