Llapi ka njoftuar se ka transferuar Loris Kikkri nga Orvietana Calcio.
Llapjanët i morën shërbimet e portierit 23-vjeçar, duke i ofruar kontratë njëvjeçare me mundësi vazhdimi.
“Portieri 23 vjeçar ka firmosur kontratë 1 vjeçare me mundësi vazhdimi”.
“Portieri Loris Kikkri është ardhja më e re tek Llapi. I lindur në Treviglio të Italisë̈, Kikkri si portier e ka filluar tek Perugia Calcio AC 1905. Së fundmi ai ishte pjesë e skuadrës, Orvietana Calcio”.
“Loris Kikkri, i lindur më 16.01.1997 në Treviglio, i gjatë 1.83 m, luan me këmbë të majtë. Klubet në të cilat ka bërë karrierë: Villabiagio, Sansepolcro, Città Castello, Bastia, Ellera dhe së fundmi tek Orvietana Calcio”, thuhet në njoftimin e klubit.
Pak ditë më parë Llapi ka filluar t’i blindojë disa lojtarë të skuadrës me kontrata të reja, ndërsa tani e transferoi portierin italian. /Telegrafi/