Liverpooli ka bërë edhe transferimin e dytë gjatë këtij afati kalimtar veror.
Pasi ditë më parë nënshkruan me mbrojtësin holandez Sepp van den Berg, The Reds janë përforcuar edhe në repartin ofensivë.
Liverpool ka siguruar shërbimet e sulmuesit të talentuar Harvey Elliott nga Fulham.
16-vjeçari edicionin e kaluar debutoi në Ligën Premier me skuadrën londineze, duke u bërë lojtari më i ri në histori që luan në elitën e futbollit anglez.
Welcome to #LFC, Harvey Elliott 🙌 https://t.co/FaQHrTf2rt
— Liverpool FC (@LFC) July 28, 2019
Anglezi i talentuar do të jetë pjesë e ekipit të parë në ndeshjen ndaj Napolit.
Por skuadra e Jurgen Klopp nuk ka dhënë detaje shtesë se sa i ka kushtuar ky transferim i tinejxherit anglez. /Telegrafi/