Zyrtare: Liverpooli transferon Ben Daviesin

Liverpooli ka njoftuar se ka transferuar Ben Daviesin nga Preston North End në një kontratë afatgjate.

Lojtari 25-vjeçar luan si qendërmbrojtës, aty ku The Reds janë duke vuajtur shkaku i lëndimit të lojtarëve.

Davies është shprehur shumë i lumtur që do ketë mundësinë që të luajë për Liverpoolin, sidomos në Ligën Premier.

Davies vije nga radhët e akademisë në Preston dhe vazhdoi t’i përfaqësojë ata në 145 ndeshje, duke shënuar dy gola, pas debutimit të tij për ta në janar 2013.

Anglezi, i cili do të marrë fanellën me numrin 28 në Liverpool, fitoi çmimin Lojtari i Vitit i Preston në vitin 2019 për formën e tij. /Telegrafi/