Keita Bale Diao është lojtari më i ri i skuadrës italiane, Inter.
Nerazzurrët nuk kanë të ndalur në këtë afat kalimtar të transferimeve të verës.
Lojtari i fundit që ka nënshkruar me klubin italian është sulmuesi senegalez, Keita Balde.
Sulmuesi 23-vjeçar vjen nga klubi francez Monaco në huazim njëvjeçar me mundësi blerje në fund të sezonit.
“Sulmuesi Keita Balde Diao është lojtari më i ri i Nerazzurrëve”
“Senegalezi ka nënshkruar me Interin nga Monaco në një huazim njëvjeçar me mundësi blerje përfundimtare”, thuhet në njoftimin e Interit.
🖊 | @keitabalde14 is a new Inter player! 🇸🇳⚫️🔵
👉 https://t.co/yfkEkyMYqE#WelcomeKeita #InterIsHere #FCIM pic.twitter.com/kJH5qOcfzg
— Inter ⭐⭐ (@Inter_en) August 13, 2018
Keita Balde ka luajtur edhe në të kaluarën në Serie A, ku me fanellën e Lazios ka shënuar 31 gola në 137 paraqitje.
Shifra të transferimit nuk janë përmendur, por thuhet se Interi ka paguar pesë milionë për huazim dhe 30 tjera nëse dëshiron ta blejë gjithë kartonin. /Telegrafi/
