Kastriot Selmani tashmë ka përforcuar radhët e skuadrës së LLapit, i cili ditë më parë braktisi radhët e Prishtinës.
Futbollisti llapjan ka nënshkruar kontratë trevjeçare me klubin bardhekaltër gjersa ditës së sotme edhe është bërë prezantimi te klubi podujevas.
Kështu ka njoftuar klubi i elitës së futbollit kosovar përmes llogarisë zyrtare në Facebook teksa jep edhe detaje rreth lojtarit.
“Kastriot Selmani, 19 vjeç, i gjatë 1.75 m, i lindur më 08.07.1999 në Podujevë. Është mesfushor dhe sulmues krahu, luan me këmbë të majtë”.
“Kategoritë e reja i ka kaluar tek FC Prishtina, përderisa për 6 muaj ishte pjesë e FC Vushtrrisë. Poashtu, Kastrioti ka qenë pjesë e Përfaqësueses së Kosovës në grupmoshat U15, U17 dhe U19”, shkruan në njoftimin e klubit.
Ndryshe, Llapi sezonin e fundit është renditur në pozitën e tretë të IPKO Superligës së Kosovës në futboll. /Telegrafi/
