Golden Eagle Ylli ka vazhduar me përforcime para stinorit të ri.
Skuadra nga Theranda ka angazhuar basketbollistin amerikan Jameel McKay.
McKay është i gjatë 2.06m dhe luan në pozitat katër dhe pesë.
Amerikani ka qenë edhe pjesë e Draftit në NBA, por pa arritur të nënshkruajë një kontratë.
Njoftimi i plotë nga klubi therandas:
JAMEEL McKAY vjen për t’i dhënë magji lojës së Golden Eagle YLLIT
Ardhja e Jameel McKay në klubin tonë nuk dihet se si të përkufizohet ndryshe përpos që “YLLI vjen te YLLI”.
I gjatë 2.06m, me elasticitet të mrekullueshëm në lëvizje, i paparashikueshëm në veprimin e radhës, me një aftësi bllokuese të çeliktë dhe karizmatik, McKay zbarkon në Suharekë.
Në pozitat 4/5 është i pakontestueshëm, pas një përvoje jo të vogël, disa herë në përzgjedhje të lojtarëve më të mirë, më i miri në lojën mbrojtëse tek IOWA State dhe pjesë në NBA Draft, ai ka vendosur që numrin 1 që e ka mbajtur tek IOWA State, ta vendosë para klubit tonë në këtë sezon. /Telegrafi/
