Milani e ka konfirmuar zyrtarisht se shefi ekzekutiv i Arsenalit, Ivan Gazidis, do të angazhohet si shef ekzekutiv i Rossonerëve nga 1 dhjetori i këtij viti.
Pronarët amerikanë, Elliott Management, kanë dashur të angazhojnë dikë për t’i kryer obligimet në baza ditore në klub për t’ia hequr barrën presidentit Paolo Scaroni.
Official Statement
AC Milan Hires World-Class CEO
Ivan Gazidis set to begin duties on December 1, 2018: https://t.co/zjLrpTMz50 pic.twitter.com/mec4mcITvm— AC Milan (@acmilan) September 18, 2018
“Milani bën të ditur se Ivan Gazidis e ka pranuar ofertën për t’iu bashkuar klubit si shef ekzekutiv. Z. Gazidis do të fillojë zyrtarisht detyrën e tij nga 1 dhjetori 2018”.
“Pas angazhimit të z. Gazidis si shef ekzekutiv, Milani sjell në bord një shef të klasit botëror në futboll me një rezyme të suksesshme sportive dhe komerciale nëpër gjithë globin”.
“Kryetari i Milanit, Paolo Scaroni, do t’ia bartë të gjitha detyrat e shefit ekzekutiv z. Gazidisit më 1 dhjetor”.
“Në atë datë, z. Gazidis do të bëhet edhe formalisht shef ekzekutiv i Milanit, përgjegjës për udhëheqjen operacioneve biznesore dhe komerciale të klubit në baza ditore”, thuhet në një komunikatë të klubit italian.
Raul Sanllehi and Vinai Venkatesham appointed head of football and managing director respectively, as Ivan Gazidis leaves for A.C. Milan
— Arsenal FC (@Arsenal) September 18, 2018
Në lidhje me punë e tij të re ka komentuar edhe vet 54-vjeçari.
“Jam shumë i gëzuar për këtë sfidë të re dhe do të bëj gjithçka që mundem për të siguruar kthimin e Milanit në maje”, ka thënë mes tjerash ai. /Telegrafi/