Zyrtare: Hudson-Odoi kalon te Leverkusen

Chelsea ka konfirmuar se ka arritur marrëveshje me Bayer Leverkusenin për huazimin e Callum Hudson-Odoit.

Anësori anglez do të qëndrojë te skuadra gjermane në formë huazimi deri në fund të këtij sezoni.

“Callum Hudson-Odoi do të kalojë pjesën tjetër të sezonit 2022/23 në huazim në Gjermani me Bayer Leverkusen”, thuhet në njoftimin e Chelseat.

Lexo po ashtu Eksod te Chelsea: Priten nëntë largime, për ta thyer më pas rekordin e Real Madridit për më së shumti transferime brenda një afati

“Lojtari nga akademia e Cobham kalon në Bundesligë për pjesën tjetër të sezonit, pasi ka qenë një zëvendësues i papërdorur në tre ndeshjet tona të fundit në Ligën Premier. Blutë kanë mundësinë të tërheqin Callumin në janar”.

“Anësori ka qenë me Chelsea që nga niveli U-8, duke bërë debutimin e tij për skuadrën e parë nga bankina në një fitore ndaj Newcastle United në raundin e katërt të FA Cup në janar 2018. Që atëherë ai ka bërë 126 paraqitje për blutë në të gjitha garat, duke shënuar 16 gola”.

“Hudson-Odoi ka qenë një lojtar me kohë të plotë i skuadrës sonë të lartë që nga sezoni 2018/19, kur shënoi katër gola në nëntë paraqitje gjatë sezonit tonë triumfues në Ligën e Evropës, por u përjashtua për pesë muaj pasi pësoi një lëndim të rëndë të Akilit”.

“Hudson-Odoi tani do të ketë shansin të shijojë futbollin e rregullt të ligës dhe futbollit evropian në Leverkusen, i cili përfundoi i treti në Bundesligë sezonin e kaluar dhe është tërhequr në Grupin B të Ligës së Kampionëve, së bashku me Atletico Madrid, Bruges dhe Porto”, përfundon komunikata e Chelseat. /Telegrafi/