Mesfushori rus, Aleksandr Golovin, ka nënshkruar kontratë me klubin francez, Monaco.
Golovin ka shkëlqyer me Rusinë në Kampionatin Botëror të mbajtur pikërisht në këtë vend.
Paraqitjet e tij të mira bënë që shumë skuadra të njohura evropiane të vihen pas tij për ta transferuar.
Megjithatë, francezët e Monacos kanë reaguar shpejt duke siguruar shërbimet e tij dhe duke e fituar garën për Golovin.
🖋 L’AS Monaco est très heureux d’annoncer la signature d’Aleksandr Golovin en provenance du @pfc_cska pour 5 ans, jusqu’en juin 2023 ! #WelcomeToMonaco 🇲🇨 pic.twitter.com/naZRMtN4EC
— AS Monaco 🇲🇨 (@AS_Monaco) July 27, 2018
Klubi francez ka njoftuar se ka nënshkruar me Golovinin nga CSKA Moskow një kontratë pesëvjeçare.
“AS Monaco është shumë e lumtur të ju njoftoj se ka nënshkruar me Aleksandr Golovin nga CSKA Moskow për pesë vite, deri në qershor 2023”, thuhet në njoftimin e francezëve.
Çmimi i transferimit nuk është zbuluar nga asnjëra skuadër, por mendohet të jetë rreth 25 milionë euro.
Në garë për mesfushorin rus ishin edhe anglezët e Chelseat dhe italianët e Juventusit. /Telegrafi/
