Milos Krkotic është zyrtarizuar si lojtari më i ri i kampionit aktual të Kosovës, Feronikeli.
Feronikeli ka qenë i zënë me ndeshje para-kualifikuese dhe kualifikuese për Ligën e Kampionëve dhe për këtë nuk ishte aktiv në afatin kalimtar.
Megjithatë, tani klubi nga Drenasi ka zyrtarizuar transferimin e një lojtari me përvojë.
Bëhet fjalë për malazezin, 31-vjeçarin Milos Krkotic, i cili ka një përvojë të madhe me klube, ndërsa ka edhe pesë paraqitje me kombëtaren.
“Feronikeli ka bërë përforcimin e radhës në këtë afat kalimtar veror, duke siguruar shërbimet e mesfushorit të Malit të Zi, Krkotic”.
“Krkotic, pozicionin natyral e ka mesfushor qendror, por i aftë të luajë edhe në krahun e majtë”.
“Milos Krkotic më parë ishte edhe pjesë e KF Kukësit, në Superioren e Shqipërisë”, thuhet në njoftimin e Feronikelit. /Telegrafi/
