KF Gjilani përmes një njoftimi në rrjetet sociale ka bërë të ditur se kanë arritur marrëveshje për transferimin e futbollistit Drin Ymeri.
Sezonin e kaluar Ymeri ishte pjesë e Vjosë së Shtimës, aty ku tregoi paraqitje të mira duke qenë njëri ndër golashënuesit më të mirë të Ligës së Parë me 21 gola e pesë asistime.
Njoftimi i plotë i Gjilanit:
“Sport Club Gjilani komunikon marrëveshjen e arritur me futbollistin Drin Ymeri.
Palët janë dakorduar që të validojnë nënshkrimet deri në verën e vitit 2027.
Ymeri vjen nga radhët e klubit Vjosa nga Shtimja, duke qenë njëri ndër golashënuesit më të mirë të divisionit B në Ligën e Parë me gjithsej 21 gola të realizuara dhe pesë asistime.
25 vjeçari do të përforcojë repartin sulmues të skuadrës së Ardian Nuhiut.
Drejtori sportiv Ertan Demiri e ka mirëpritur Ymerin, duke i uruar fillimisht mirëseardhje dhe më pas shumë suksese në zgjedhjen që ka bërë për karrierën e tij”, thuhej në njoftimin e Gjilanit./Telegrafi/