Dardan Berisha nuk do të jetë pjesë e KB Sigal Prishtinës në sezonin e ardhshëm.
Këtë e ka bërë të ditur vetë ai, nëpërmjet një postimi në llogarinë e tij në rrjetet sociale.
Më poshtë po e japim postimin e plotë të tij në Facebook:
“Të nderuar Plisa dhe KB Prishtina, Nëpërmjet këtij statusi dëshiroj të ju njoftoj se gjatë sezonit në vijim nuk do të jem pjesë e KB SIGAL Prishtina. Arsyejet janë të thjeshta: fitova gjithcka cka kisha për të fituar dhe realizuam edhe një ëndërr, debutimin në FIBA Europe Cup. Tani erdhi koha për një sfidë të re në jetën time sportive! Falenderoj kryesinë e KB SIGAL Prishtina për mirëkuptimin si dhe tifozët për mbështetjen, duke iu dëshiruar sukses në edicionin e radhës! SHIHEMI …! Forza Prishtinë! Forza Plisat!”, shkruan në postimin e Berishës.
Berisha fitoi dy herë radhazi titullin e Ligës Ballkanike dhe kampionatin me fanellën bardhë e kaltër.