Zyrtare: Coutinho nënshkruan për Bayernin

Bayern Munichu e ka kompletuar transferimin e Philippe Coutinhos. Braziliani i ka kaluar testet mjekësore të dielën dhe e ka nënshkruar kontratën me klubin gjerman.

27-vjeçari fillimisht do të qëndrojë për një sezon si i huazuar nga Barcelona, ndërsa bavarezët e kanë opsionin për ta blerë pas skadimit të huazimit më 30 qershor 2020.

Lexo po ashtu Të gjitha lajmet nga Philippe Coutinho

“Për mua, ky transferim nënkupton një sfidë të re në një vend të ri me një prej klubeve më të mira në Evropë”.

“Njësoj sikur Bayerni, edhe unë kam ambicie të mëdha dhe jam i bindur se mund t’i arrijmë bashkë me bashkëlojtarët e mi të rinj”, ka deklaruar Coutinho me rastin e nënshkrimit të kontratës.

Shefi ekzekutiv i Bayernit, Karl-Heinz Rummenigge, ka thënë se klubi ishte angazhuar qe një kohë që ta transferonte lojtarin dhe se janë të gëzuar që ia kanë arritur qëllimit. /Telegrafi/