Dani Ceballos mund të quhet lojtari më i ri i gjigantit spanjoll, Real Madridit.
Mesfushori i talentuar spanjoll u zgjodh më i miri në kampionit evropian për U21, duke ngjallur interesimin e shumë skuadrave të mëdha evropiane.
Barcelona dhe Juventusi ishin shumë të interesuar për transferimin e Ceballos, por shërbimet e tij i fitoi Real Madridi pasi ishte preferenca e vet futbollistit.
Para disa ditëve u publikua se Real Madridi dhe Real Betiti kanë hasur në vështirësi në arritjen e marrëveshjes, por tani gjithçka është e përfunduar.
Është vet klubi i Betisit që ka konfirmuar marrëveshjen me Real Madridin për Ceballos, ndërsa shuma e transferimit thuhet të jetë 18 milionë euro.
“Real Madrid C.F dhe Real Betis Balompie kanë rënë dakord me transferimin e Dani Ceballos, i cili ka nënshkruar një kontratë gjashtëvjeçare me klubin. Prezantimi i futbollistit pritet të bëhet javën e ardhshme në ditën e enjte”, shkruan në njoftimin e Mbretërve. /Telegrafi/
Official Announcement: Dani Ceballos
? https://t.co/4BGm87FaD6#RealMadrid #RMMovistar pic.twitter.com/zmgBKOTnAd
— Real Madrid C.F. (@realmadriden) July 14, 2017
