Barcelona ka njoftuar zyrtarisht transferimin e talentit portugez, Francisco Trincao nga Braga.
Gjatë të enjtes filluan lajmet për një interesim të Barcelonës për sulmuesin e talentuar portugez, Trincao.
Nuk ka vonuar shumë dhe Barcelona ka arritur të mbyll me sukses transferimin e “Ronaldos së ri” nga Braga.
Është vet klubi katalunas që ka njoftuar me anë të faqeve të tyre zyrtare transferimin e 20-vjeçarit.
🔜 Francisco Trincão
Agreement with @SCBragaOficial for Trincão transfer; he'll join FC Barcelona on 1 July 2020.— FC Barcelona (@FCBarcelona) January 31, 2020
“FC Barcelona dhe SC Braga kanë arritur një marrëveshje për transferimin e lojtarit Francisco Trincao, i cili do të bashkohet me klubin më 1 korrik 2020”.
“Pagesa e transferimit është 31 milionë euro dhe lojtari do të nënshkruajë një kontratë me klubin për pesë sezonet e ardhshme, deri në fund të sezonit 2024/25 me një klauzolë blerëse prej 500 milionë eurosh”, thuhet në njoftimin e klubit. /Telegrafi/