Juventus dhe Massimiliano Allegri kanë arritur zyrtarisht një marrëveshje të përbashkët për ndërprerjen e kontratës së teknikut italian, ka konfirmuar klubi përmes një deklarate.
Allegri u shkarkua më 17 maj, pak më shumë se një ditë pas fitores me rezultat 1-0 ndaj Atalantës në finalen e Coppa Italia.
Megjithëse “Zonja e Vjetër” e fitoi ndeshjen, drejtorët e klubit mendonin se Allegri nuk kishte vepruar në përputhje me vlerat thelbësore të Juventusit.
Kishte gjithashtu pretendime se ai bëri kërcënime serioze ndaj Guido Vaciago, redaktorit të gazetës me bazë në Torino, Tuttosport, në tunelin e ‘Stadio Olimpico’.
Juventus mendonte se kishte arsye të fortë për ta shkarkuar, ndërsa trajneri thuhet se ishte përgatitur të çonte ish-punëdhënësit e tij në gjykatë për natyrën e shkarkimit të tij.
Megjithatë, të dyja palët tani kanë arritur në një marrëveshje të ndërsjellë për ndërprerjen e kontratës së Allegrit, siç konfirmohet në një deklaratë në faqen zyrtare të klubit .
Juventus and Massimiliano Allegri reach agreement
🔗 https://t.co/Yn36aLwL0c pic.twitter.com/2XSGn5u1yn
— JuventusFC 🇬🇧🇺🇸 (@juventusfcen) June 3, 2024
“Juventus Football Club dhe Massimiliano Allegri njoftojnë se kanë rënë dakord reciprokisht për përfundimin e kontratës në fund të sezonit aktual”.
“Klubi dëshiron t’i urojë Massimiliano Allegrit më të mirat në të ardhmen e tij profesionale, duke e falënderuar gjithashtu për rezultatet e arritura gjatë viteve të tij në krye të skuadrës”, thuhej në deklaratën e Juves./Telegrafi/