Alisson Becker është shpallur edhe zyrtarisht portieri më i mirë i vitit nga FIFA.
Portieri brazilian kishte një sezon fantastik vitin e kaluar me Liverpoolin, pasi e fituan Ligën e Kampionëve.
Alisson kishte paraqitje të mira edhe me kombëtaren e Brazilit në Kupën e Amerikës, derisa arritën ta fitonin trofeun.
Braziliani u transferua te The Reds nga Roma për një shifër rekorde 70 milionë euro dy vite më parë, gjersa tani rekordin e mbanë Kepa Arrizabalaga që kaloi te Chelsea nga Athletic Bilbao për 80 milionë.
Becker ishte në garë të ngushtë me Edersonin e Manchester Cityt dhe Marc-Andre Ter Stegen e Barcelonës, por paraqitjet e tij në sezonin e kaluar ishin për t’u çmuar. /Telegrafi/
Congratulations, @Alissonbecker 👐
Winner of #TheBest FIFA Men’s Goalkeeper 2019 🏆#TheBest | #FIFAFootballAwards pic.twitter.com/f163LZbOfx
— #TheBest 🏆 (@FIFAcom) September 23, 2019