Egzon Azemi nga Lëvizja Vetëvendosje ka akuzuar Partinë Socialdemokrate se kanë hedhur gaz lotsjellës në protestën e mbajtur këtë të hënë nga veteranët e Ushtrisë Çlirimtare të Kosovës, para ndërtesës së Kuvendit.
Por, Nol Nushi i PSD-së i është përgjigjur Azemit me një fjali të vetme.
“PSD u hedhë gaz lotsjellës veteranëve vetëm që të eskaloj protesta. Kaq tregon mjaftueshëm për sinqeritetin e angazhimit të tyre”, shtoi Azemi në rrjetin social Facebook.
Duke e shpërndarë këtë status në llogarinë e tij në Facebook, Nushi ia ktheu: “brina s’ka…faljani”.
Veteranët e UÇK-së protestuan gjatë ditës së sotme, për shkak të mospërfshirjes së kësaj kategorie në Projektligjin për Pagën Minimale, i propozuar nga Qeveria e Kosovës.
Protesta eskaloi pasi me të hyrë protestuesit në oborr të Kuvendit, u hodh gaz lotsjellës, por që nuk dihet deri më tash nga kush.
Policia mohoi të ketë gjuajtur gaz lotsjellës, ndërsa protestuesit u ankuan se vinte nga ndërtesa e Kuvendit./Telegrafi/
