Policia Federale e Zvicrës (Fedpol) ka deklaruar se në vend vitin e kaluar është regjistruar një nivel më i lartë i pastrimit të parave në raport me vitin 2013.
Është raportuar se në vitin 2014, niveli i pastrimit të parave është rritur me 24 përqind krahasuar me vitin 2013.
Sipas Fedpol, në Zvicër vitin e kaluar u regjistruan 1753 transaksione të dyshimta me vlerë 3.4 miliardë dollarë. Të dhënat nga i njëjti burim tregojnë se kjo shumë është 24 përqind më shumë se në vitin 2013, që është më e larta në historinë e vendit.
Pretendohet se 85 përqind e rasteve të pastrimit të parave në vend regjistrohen në sektorin bankar.