Melania Trump në fillim të vitit të ardhshëm do të marrë rolin e Zonjës së Parë të Amerikës, pasi burri i saj Donald edhe zyrtarisht e merr funksionin e presidentit.
Mirëpo, gjatë fushatës zgjedhore, mediet nuk ishin aspak të buta ndaj ish-manekines, pasi fotot e saj lakuriqe nga fillimi i karrierës së saj si modele, kanë mbushur internetin.
Mirëpo, Melania nuk është e vetmja Zonjë e Parë që me jetën e saj private ka tërhequr vëmendjen e medieve dhe publikut.
Jackie Kennedy ishte njëra nga Zonjat e Para më të dashura në Amerikë.
Por pas vrasjes së Kennedy-t, ajo ishte martuar me Aristotel Onazis, i njohur për aventurat e tij me femra.
Disa vite më vonë, janë paraqitur fotot e saj lakuriqe në revistën “Hustler”. Gerard dhe Bety Ford, në Shtëpinë e Bardhë kanë hyrë pa planifikim, pasi presidenti Richard Nikson është dashur të japë dorëheqje shkaku i aferës Watergate.
Ajo nuk ka ngurruar të flasë pasi ishte prekur nga kanceri i gjirit, ndërsa kishte deklaruar se do ta provonte marihuanën, pasi mendon se edhe fëmijët e saj e kanë provuar këtë drogë.
Mirëpo, një befasi e vërtetë do të pasonte vetëm disa vite pasi çifti Ford e kishte lëshuar Shtëpinë e Bardhë, kur Betty kishte lëshuar një deklaratë me të cilën ka njoftuar opinionin amerikan se do të shkojë në rehabilitim nga alkooli dhe varësia ndaj tabletave për qetësim.
Ajo kishte sqaruar se në rehabilitim shkon pas kërkesës së familjes së saj, pasi problemi i saj kohëve të fundit kishte eskaluar dhe më në fund e kishte kuptuar se ishte e varur ndaj alkoolit dhe tabletave.
Pas përfundimit të rehabilitimit, ajo kishte themeluar qendrën “Betty Ford”, për kurim ndaj varësive, qendër kjo ku më vonë janë trajtuar shumë yje të Hollivudit por edhe njerëz të thjeshtë.