Michelle Obama i ka dhënë një përqafim të ngrohtë George W. Bushit, gjatë ceremonisë së rihapjes së një muzeu në Shtetet e Bashkuara.
Derisa presidenti, burri i saj Barack Obama, po mbante fjalim, zonja e parë i ka vënë duart rreth ish-presidentit dhe të dy kanë buzëqeshur këndshëm, transmeton Telegrafi.
Por, ky moment është shfrytëzuar për mahi të ndryshme, ku figura e Bushit është edituar në forma të ndryshme.
Fillimisht, atij i është veshur një rrobë e sipërme që zakonisht e mbajnë reperët, kurse në një tjetër ai është zëvendësuar me shkurre – çfarë nënkupton mbiemri tij në gjuhën angleze.
Në një tjetër, Michelle e mban beben që ka fytyrën e ish-presidentit, kurse në imazhin tjetër është përfshirë edhe aktori John Travolta.
Ka raste kur ajo shfaqet duke e përqafuar veten, apo një personazh nga filmat e animuar.
Brad Pitt që është aktori më i përfolur këto ditë është në përqafimin e saj, e në një tjetër shihet kandidati kontrovers republikan, Donald Trump. /Telegrafi/