Videoja shokuese e një zjarrfikësi ka zbuluar pse duhet të mbyllni gjithmonë derën e dhomës së gjumit para se të flini.
Zjarrfikësi nga Massachusetts, që njihet me emrin e përdoruesit @smokemedic në internet, ndau një video dramatike në TikTok në fillim të kësaj jave, i cili tregoi se si mbyllja e hyrjes në dhomën e gjumit para se të shkoni në shtrat mund t’ju shpëtojë përfundimisht jetën, transmeton Telegrafi.
Në videon, e cila u pa më shumë se tetë milionë herë, ai tregoi dhomën e gjumit të një fëmije, që duket në gjendje të rregullt.
Ai më pas tregoi pjesën tjetër të shtëpisë, e cila ishte shkatërruar plotësisht nga një zjarr.
Korridori që të çonte nga dhoma e gjumit përmbante shenja djegieje në mure, tavani ishte shkatërruar.
“Mos harroni të mbyllni dyert e dhomës së gjumit para se të flini natën, kjo mund të bëjë një ndryshim të madh”, shkroi ai në TikTok.
Sipas një artikulli në Dailymail duke cituar një ekspert tha se zjarret ushqehen me oksigjen, kështu që kur mbyllet një derë, ndërpritet një burim ajri që mund të ndihmojë në ndezjen e flakëve. Mbyllja e derës gjithashtu mund të veprojë si një pengesë dhe të ngadalësojë përhapjen e flakëve dhe tymit. /Telegrafi/