Zjarre masive kanë përshkuar Kaliforninë kohëve të fundit, duke djegur qindra mijëra hektarë tokë, ndërsa 14 mijë zjarrfikës janë duke punuar për shuarjen e flakëve.
Sipas medieve të huaja, përcjell Telegrafi, flakët kanë shkaktuar po ashtu edhe shkatërrimin e shtëpive dhe pyjeve përreth zonës, ndërsa raportohet se të paktën gjashtë persona kanë ndërruar jetë.
Presidenti amerikan, Donald Trump, e përshkroi dukurinë si katastrofën më të madhe në vend.
Për ta menaxhuar situatën në të cilën gjendet vendi, Kalifornia u kërkoi ndihmë së fundmi Australisë si dhe Kanadasë.
Zjarret masive të cilat po vazhdojnë tash e sa ditë në Kaliforni, mund të vërehen më së miri përmes pamjeve satelitore. /Telegrafi/
