Ekipet e shtabit për mbrojtje dhe shpëtim janë në terren dhe po veprojnë për lokalizimin e zjarreve të cilët sot u paraqitën në disa lokacione në rajonin e Shkupit.
Ekipet e Brigadës së zjarrfikësve në Shkup, si dhe ekipet e ndërmarrjes publike “Parqe dhe gjelbrime” kanë intervenuar në zjarret në afërsi të fshatit Barovo, në bjeshkët Vodno, përcjell Telegrafi Maqedoni.
Në terren kanë dalur mbi 40 persona dhe 8 makina speciale me ç’ka zjarri është lokalizuar, ndërsa ekipet do ta ndjekin gjendjen në terren.
Zjarr është paraqitur edhe në vendin e quajtur Krushopek në Komunën e Sarajit, ku në terren menjëherë kanë dalur ekipe të Brigadës së zjarrfikësve të Shkupit dhe po tentojnë ta lokalizojnë zjarrin.
Ndërsa pamjet më poshtë janë nga zjarri që ka shpërthyer në Bogdanci, në afërsi të kalimit kufitar “Bogorodica”. Kurse zjarri mund të shihet edhe nga ana e Greqisë./Telegrafi/
