Oleksandr Zinchenko ka thënë se reagimi i tij në një video që është bërë virale teksa bërtet me dritaren e hapur të automjetit, nuk është i vetmi dhe se këtë e bën shpesh.
Ukrainasi ishte xhiruar nga partnerja e tij duke brohoritur në drejtim të tifozëve të mbledhur para një lokali pas fitores prej 4-1 kundër Crystal Palace.
Zinchenko asnjëherë nuk e ka fshehur pasionin e tij – qoftë brenda apo jashtë fushës – dhe ka thënë se rregullisht bërtet në të njëjtën mënyrë kur i sheh tifozët e Topçinjve rrugës për në shtëpi pas një ndeshjeje triumfuese.
Oleksandr Zinchenko loves Arsenal ❤️ (IG/v.lada_sedan) pic.twitter.com/iE3FcicJc3
— GOAL (@goal) March 20, 2023
“Ky është një nga këndet e mia të preferuara në Londër. Gjithmonë kaloj pranë kësaj pijetoreje – sepse është rruga për në shtëpinë time – dhe çdo herë ka shumë tifozë të Arsenalit.
“Sa herë përpiqem ta ul dritaren time dhe të bërtas, sepse pas (një ndeshjeje) kam energji të jashtëzakonshme. Dhe thjesht dëshiroj t’i ndaj këto emocione me ta”, ka rrëfyer Zinchenko për Daily Mail. /Telegrafi/