Zinedine Zidane i është kundërpërgjigjur drejtorit sportiv të Sevillas, i cili kishte shprehur pakënaqësinë e tij me vendimin e gjyqtarit për anulimin e golit të Luuk de Jong.
Real Madridi e fitoi me rezultat 2-1 derbin e kësaj jave në La Liga, porse ndeshja u shoqërua me kundërthënie, pasi me konsultimin e sistemit VAR, gjyqtari e anuloi një gol të andaluzianëve duke e konsideruar si një ndërhyrje bllokimin që Nemanja Gudelj ia kishte bërë Eder Militaos, para se De Jong të realizonte.
“Refuzoj ta analizoj ndeshjen taktikisht ose teknikisht, sepse ky moment është shumë vendimtar dhe është absurde ta analizosh ndeshjen nga kjo pikë e tutje”, kishte deklaruar Monchi lidhur me golin e anuluar.
“Ajo që mund të them është se e kam parë incidentin dhe është një bllokim, është një ndërhyrje e palejuar, gjyqtari e shikoi në VAR dhe vendosi për ndërhyrje”.
“Në pjesën e dytë, pati prekje të topit me dorë (në momentin e golit të De Jong) dhe ai nuk e dha. Nuk dua të sqaroj asgjë dhe asnjëherë nuk hyj në evaluime. I takon gjyqtarit të vendosë”.
GOAL! Sevilla equalise at the Santiago Bernabeu!
Luuk de Jong with the goal! 👀 pic.twitter.com/4HoMoQQnwl
— Goal (@goal) January 18, 2020
“Nganjëherë është kundër teje dhe nganjëherë në favorin tënd. Është punë e vështirë, por ata vendosin. Sipas meje (në momentin e golit të anuluar), pati bllokim, ishte ndërhyrje e palejuar dhe është normale. Nuk mund të ankohesh”, ka deklaruar Zidane pas ndeshjes. /Telegrafi/
