Ish-trajneri i Real Madridit, Zinedine Zidane, ka hapur derën për një rikthim të tij në Juventus.
Trajneri francez ka lënë Real Madridin këtë verë pasi ka fituar tri Liga të Kampionëve radhazi dhe shumë trofe tjerë.
Megjithatë, e ardhmja e tij ka qenë gjithmonë pjesë e diskutimeve duke e lidhur me shumë skuadra.
Më së shumti, Zidane është lidhur me punën e Massimiliano Allegrit te ish-skuadra e tij, Juventusi.
Me një postim të fundit në mediat sociale, Zidane nuk harroi të përmendte klubin e tij të vjetër dhe tifozët e Juves.
“Përshëndetje të gjithë nga Madridi, shpresoj se jeni mirë”, ka thënë fillimisht Zidane.
“Shpresoj të vijë shpejt dhe të kalojë ca kohë me ju. Përshëndetjet për të gjithë dhe Forza Juve!”, përfundoi trajneri francez.
Zidane ka luajtur për Zonjën e Vjetër në periudhën 1996-2001, ku ka luajtur 209 ndeshje dhe ka bërë 31 gola, teksa ka fituar dy trofe të Serie A dhe shumë kupa tjera italiane dhe evropiane. /Telegrafi/
https://www.youtube.com/watch?v=fc-YhiDzTzk