Kanë mbetur më pak se një muaj derisa do të mësohet edhe fituesi i Topit të Artë për vitin 2024.
Jude Bellingham, Vinicius Jr dhe Rodri janë tre favoritët kryesorë për ta marrë çmimin individual më të vlefshëm te futbollistët.
Legjenda franceze, Zinedine Zidane është pyetur nëse Jude Bellingham do të mund ta fitojë këtë çmim.
“A mund ta fitojë Jude Bellingham Topin e Artë në të ardhmen? Pse jo? Unë pyes pse jo miku im?” thotë Zinedine Zidane .
“Në lojë, ai do të jetë i shkëlqyeshëm me siguri. Në fushë, ai ka ende shumë për të bërë, por ai do të jetë i mrekullueshëm,” shton Zidane.
Zizou po fliste në nisjen e lojës EA FC 25, në të cilën Bellingham ishte i pranishëm si posteri i lojës.
Bellingham u emërua në mesin e 30 të nominuarve më të mirë për Topin e Artë për këtë vit dhe pritet të jetë në top 3 ose 5.
Sidoqoftë, Vincius Jr është njeriu që pritet të fitojë Topin e Artë në 2024. /Telegrafi/