Zinedine Zidane ka konfirmuar se Real Madridi mund të nënshkruajë në janar me ndonjë lojtar të ri, por përjashtoi çdo largim të mundshëm të ndonjë lojtari.
Real Madridi fitoi me shumë vështirë në shtëpi në pasditen e së shtunës ndaj Malagas me rezultat 3-2.
Megjithatë, klubi mbretëror po vuan të zhbllokoj ndeshjet e vështira kur Cristiano Ronaldo nuk po është në formë, pasi nuk po ka lojtarë të kalibrit të lart në bankën rezervë.
Kjo pasi po vërehet mungesa e lojtarëve të larguar gjatë verës si Alvaro Morata, James Rodriguez dhe Mariano Diaz.
Trajneri francez i Realit ka lënë të hapur mundësinë për transferime të reja gjatë janarit, teksa ka përjashtuar çdo mundësi të largimit të ndonjë lojtari.
“Transferime në janar? Nuk do të ketë në asnjë mënyrë ndonjë largim”, ka thënë fillimisht Zidane.
“Sa për afrime, çdo gjë mund të ndodhë kështu që ne do të shohim në vazhdim”.
“Megjithatë, ne nuk duhet të flasim tani për afrime dhe largime”, përfundoi trajneri i Realit. /Telegrafi/