Zinedine Zidane ka kërkuar nga drejtuesit e klubit transferimin e bashkëkombësit të tij Houssem Aouar.
Mesfushori i talentuar francez ka bërë një sezon të madh te Lyoni dhe ka zgjuar interesimin e skuadrave më të mëdha evropiane.
Juventus, Manchester City dhe Chelsea janë tri skuadrat që e ndjekin prej kohësh dhe synojnë transferimin e tij.
Por së fundmi në garë fuqishëm është futur edhe Real Madridi, pasi Aouar pëlqehet shumë nga trajneri Zinedine Zidane.
Tekniku francez ka kërkuar nga presidenti Florentino Perez transferimin e Aouar gjatë afatit kalimtar veror.
Perez do t’ia plotësojë këtë dëshirë trajnerit pasi edhe vet presidenti i Los Blancos e pëlqen lojtarin e talentuar.
Mediat spanjolle kanë raportuar se 13 herë kampioni i Evropës është duke përgatitur një ofertë prej 60 milionë euro për transferimin e Aouar.
21-vjeçarit do t’i pëlqente transferimi në La Liga, pasi ai gjithmonë ka admiruar trajnerin Zidane.
Aouar këtë edicion ka zhvilluar 37 ndeshje në të gjitha garat me Lyonin, ku ka shënuar nëntë gola dhe ka bërë shtatë asistime. /Telegrafi/