Ka përfunduar java e 29-të në elitën e futbollit zviceran ku Young Boys Bern ka festuar edhe titullin e kampionit.
Grasshopper ka marrë një pikë të artë nga udhëtimi në Basel, pasi ka barazuar 0-0.
Në këtë takim për Baselin titullar ishte sulmuesi i Përfaqësueses së Kosovës, Edon Zhegrova.
Talenti prishtinas ishte ndër më të mirët në fushë dhe pas paraqitjes fantastike ka zënë vend në formacionin e javës në Zvicër nga Blick.
Përveç Zhegrovës një tjetër futbollist që ka zënë vend në formacionin bazë është edhe Kemal Ademi i Xamaxit.
23-vjeçari ka qenë vendimtar për skuadrën e tij pasi shënoi golin e fitores në udhëtim te Luzerni 0-1.
Formacioni i javës në Zvicër:
Lindner, Nathan, Cvetkovic, Djuric, Mbabu, Edon Zhegrova, Sow, Adryan, Nsame, Kemal Ademi, Carlinhos. /Telegrafi/