Ministri i Infrastrukturës, Lutfi Zharku, sot po qëndron në Tiranë, ku merr pjesë në takimin e 11-të vjetor të ministrave të transportit për zhvillimin e zgjatimit të rrjetit kryesor dhe gjithëpërfshirës TEN-T në Ballkanin Perëndimor.
Në këtë takim, në të cilin po marrin pjesë ministrat e transportit të vendeve të Evropës Juglindore, përfaqësues të Komisionit Evropian dhe të SEETO-s, Zharku ka prezantuar punën që po bën Qeveria e Kosovës, përkatësisht Ministria e Infrastrukturës në forcimin e sektorit të infrastrukturës si kontribues kryesor në zhvillimin ekonomik dhe në rritjen e mirëqenies së përgjithshme.
Ai me këtë rast ka theksuar interesimin e Qeverisë së Kosovës për promovimin dhe zhvillimin e infrastrukturës rajonale nëpërmjet strategjive kombëtare dhe iniciativave bashkëpunuese rajonale.
Zharku ka përmendur të arriturat e Republikës së Kosovës në fushën e infrastrukturës rrugore dhe hekurudhore, duke veçuar finalizimin e pjesës së Rrugës 7, që lidh Kosovën me Shqipërinë dhe Serbinë, finalizimin e Rrugës 6 Prishtinë-Shkup, ndërtimin dhe rikonstruktimin e linjave hekurudhore, si dhe proje ktet e tjera të rëndësishme për zhvillimin e metejmë të rrjetit gjithëpërfshirës.