Arber Zeneli ka kaluar lëndimin që e la më shumë se dy muaj jashtë fushave.
Sulmuesi i Përfaqësueses së Kosovës është rikthyer si protagonist tek skuadra e tij Heerenveen.
Bardh e kaltërtit ishin nikoqir të Sparta Roterdamit, ndërsa mitrovicasi e nisi ndeshjen nga minuta e parë.
Në minutën e 15-të pas një kundërsulmi të shpejtë, Zeneli asistoi bukur për sulmuesin Ghoochannejhad që barazoi shifrat në 1-1.
Ky ishte asistimi i tretë për reprezentuesin e Kosovës në elitën e futbollit holandez.
Përveç asistimeve, Arberi ka arritur të shënoj edhe dy gola këtë edicion në Eredivisie.
Fitorja e mbrëmshme e ka ngritur Heerenveenin në pozitën e shtatë në tabelë me 27 pikë të grumbulluara.
Në javën e ardhshme, Zeneli me skuadrën e tij do të jenë nikoqir të Twentes. /Telegrafi/
⚡ | ZigZagZeneli #heespa https://t.co/MrOKamOWiv pic.twitter.com/7ZO9pVVGEB
— FOX Sports (@FOXSportsnl) January 26, 2018