Profesoresha universitare Arta Bilalli-Zendeli thekson se kërkesa e presidentit Ivanov për amnisti të sulmuesve të deputetëve në Kuvend, mund të jetë marrëveshje me qeverinë e re. Sipas saj, presidenti po përzihet çdo herë në punën e Gjykatave në vend, përcjell Telegrafi Maqedoni.
“Ndoshta hudhja e topit tek Kuvendi është marrëveshje me qeverinë e re, edhe pse nuk dua të besoj në këtë. Të vijë deri në amnistimin e personave që kryen sulmin në Kuvend, sipas meje, nuk ka logjikë edhe pse ekziston mundësi ligjore”, deklaroi Zendeli për Makfaks.
Ajo komentoi edhe deklaratën e Ivanovit për ngjarjet në Kuvend pas konfliktit të 2001, dhe theksoi se nuk ka asnjë të mirë që vazhdimisht të kthehemi mbrapa./Telegrafi/
