Zendaya iu bashkua Labrinth për setin e tij në “Coachella”, i cili u mbajt në Indio të Kalifornisë.
Aktorja 26-vjeçare dukej se po e shfrytëzonte sa më shumë kohën e saj në skenë, gjatë së cilës performoi këngën e shfaqur në hitin “Euphoria”, “All For Us”, në të cilin kishte bashkëpunuar më parë me 34-vjeçarin.
Sipas TMZ , shfaqja e këngëtares, e cila së fundmi u bë ambasadorja e re e shtëpisë së Louis Vuitton, shënon herën e parë që ajo këndonte në skenë pas disa vitesh.
Zendaya veshi një fustan rozë që tregonte krahët e saj të tonifikuar me një bluzë të bardhë gjatë kohës që ishte në skenë.
Aktorja e “The Spider-Man: Homecoming”zgjodhi gjithashtu një palë këpucë lëkure të larta deri në kofshë.
Performuesja më pas ka shprehur mirënjohjen e saj si për Labrinthin ashtu edhe për turmën që ishte mbledhur për t’i parë ata duke performuar.
Aktorja postoi gjithashtu një video tjetër në të cilën ajo e përshkroi përvojën si ‘një natë magjike dhe të bukur’.
Ajo shtoi: “Faleminderit të gjithëve që më mirëpritët përsëri në atë skenë me krahë hapur”.
Këngëtari më parë solli Billie Eilish për të performuar gjatë setit të tij për fundjavën e parë të festivalit vjetor të muzikës.
“All For Us” u publikua në 2019 dhe u shfaq në albumin “Imagination&the Misfit Kid”, i cili gjithashtu debutoi atë vit. /Telegrafi/
