Ministri i Shëndetësisë, Armend Zemaj e ka quajtur lajm të mirë vendim e Zyrës Federale të Shëndetit Publik në Zvicër, që kosovarët nuk do t’i nënshtrohen karantinës.
Zemaj ka thënë se Kosova është më e bukur me bashkatdhetarët, prandaj është më dyer të hapura 12 muaj të vitit, transmeton Telegrafi.
“Lajm i mirë se tashmë bashkatdhetarët nga Zvicra që vijnë në Kosovë, nuk do t’i nënshtrohen karantinës. Vendimi ka ardhur pas vlerësimit që është bërë nga Zyra Federale e Shëndetit Publik në Zvicër, me arsyetimin se Kosova prej më shumë se dy javësh ka numër të ulët infeksionesh, nën 60 në 100 mijë banorë, ndërsa ditëve të fundit, ka rënë në 52. Kosova është më e bukur me bashkatdhetarët, prandaj është me dyer të hapura 12 muaj të vitit”, është shprehur ai në një postim në Facebook.
Ndryshe, Zvicra ka marrë vendim që Kosovën ta largojë nga lista e zezë, duke hequr karantimin për qytetarët që kthehen në shtetin zviceran.
Nga 28 shtatori nga lista do të largohet edhe San Marino.
Zvicra kishte futur Kosovën në listë për karantimin nga data 6 korrik. /Telegrafi/
